Зимското одржување на улиците и патиштата оваа сезона ќе чини 8 милиони евра

Денес, 24 јануари 2022 година, Центарот за граѓански комуникации (ЦГК) ги објави истражувањето и базата на податоци на договорите на државните институции со приватни фирми за зимско одржување на улиците и патиштата за сезоната 2021-22.

Државните институции склучиле договори за јавни набавки со приватни фирми за механизација, работници, сол и ризла за одржување на улиците и патиштата во зимски услови за сезоната 2021-2022 година во вредност од половина милијарда денари (8 милиони евра).

Како и претходните години, така и оваа, најмногу пари за оваа намена ќе потроши Јавното претпријатие за одржување и заштита на магистралните и регионалните патишта - 317 милиони денари, односно  5,2 милиони евра што е 65 % од вредноста на вкупните договори за зимско одржување во земјава.

Градот Скопје и уште девет други скопски општини сезонава за зимско чистење на улиците и за сол заедно ќе потрошат околу 1,4 милиони евра.

Од другите општини, најмногу пари за зимско одржување планираат да потрошат Прилеп, Куманово и Струга. Прилеп – 195 илјади евра, Куманово 146 илјади евра и Струга 98 илјади евра.

Конкуренцијата на тендерите за зимско одржување е исклучително ниска, просечно по 1,7 понуди по тендер, а повеќе од половина од тендерите биле само со една понуда.

Од фирмите, според вредноста на договорите, на врвот е Димакс рудници од Демир Хисар со 7 милиони евра за две години или по 3,5 милиони евра на годишно ниво.

Вкупната сума на трошоци за зимско одржување ќе биде и поголема ако се има предвид дека за пет тендери сѐ уште не се објавени склучените договори и нивните износи.

Годишната програма на Центарот за граѓански комуникации е поддржана од програмата Цивика Мобилитас. Цивика Мобилитас е проект на Швајцарската агенција за развој и соработка (СДЦ) кој го спроведуваат НИРАС од Данска, Македонскиот центар за меѓународна соработка (МЦМС) и ФЦГ Шведски развој АБ (ФЦГ Шведска).

Украсувањето на улиците се откажа, но новогодишните пакетчиња останаа

Денес, 14 јануари 2022 година, Центарот за граѓански комуникации (ЦГК) ги објави истражувањето и базата на податоци на трошоците на државните институции за новогодишни пакетчиња за Новата 2022 година.

За разлика од украсувањето на улиците кое главно беше откажано, продолжи практиката на институциите за купување новогодишни пакетчиња. За оваа намена се потрошени 72.000 евра, иако се очекува сумата да достигне и поголема вредност имајќи предвид дека некои институции сѐ уште ги немаат објавено договорите и вредноста на потрошените пари за оваа намена.

Тендери за купување пакетчиња за новата 2022 година имале 20 институции, додека други 37 институции купиле пакетчиња без примена на Законот за јавните набавки бидејќи вредноста на набавките била помала од илјада евра – колку што изнесува вредносниот праг под кој што не важи Законот за јавните набавки.

Најмногу пакетчиња, 3.274 купила Општина Кавадарци, иако со пониска поединечна цена. Блиску е и Општина Прилеп со 3.030 пакетчиња. Најскапи пакетчиња, како и претходната година, и сега купила Општина Новаци, по 1.377 денари за едно пакетче. Вкупно најмногу пари за пакетчиња, пак, потрошил Град Скопје – 10.000 евра. Просечната цена која институциите ја платиле за едно новогодишно пакетче изнесува 566 денари.

На дури 68 % од тендерите за набавка на новогодишни пакетчиња била добиена само по една понуда. Меѓу фирмите од кои се набавувани новогодишните пакетчиња убедливо води Колид од Колешино од каде се купени една четвртина од пакетчињата.

Вкупната вредност на парите потрошени за пакетчиња за Новата 2022 година е малку повисока од онаа што беше потрошена за ланската 2021 година.

Годишната програма на Центарот за граѓански комуникации е поддржана од програмата Цивика Мобилитас.

Public procurement monitoring in the country shows a series of weaknesses that indicate previous arrangements between institutions and bidders.

Today, December 27, 2021, the Center for Civil Communications (CCC) published the Report from the regular monitoring of public procurement conducted in the period from January to June 2021.
Key monitoring findings include:
- Although optional, the electronic auction was applied in 91% of public procurement, which indicates that the e-auction is used as a mechanism for malpractice and corruption.
- The frequent coincidence of the value of the submitted bids with the estimated value of the tenders, which has not been made public, indicates prior agreement between the institutions and the bidders.
- There are examples of unequal treatment of bidders, as well as cases of restriction of competition.
- Every fourth tender was presented with one bid or no bids.
- The annulment of the tenders remains extremely high and amounts to 26%.
- In the first half of 2021, through a non-transparent negotiated procedure without publishing a tender notice, contracts worth 7.9 million euros were concluded.
- These weaknesses are present in the tenders conducted by the institutions at both national and local level.
The annual program of the Center for Civil Communications is supported by the Civica Mobilitas program, a project of the Swiss Agency for Development and Cooperation (SDC), implemented by NIPRAS Denmark, the Macedonian Center for International Cooperation (MCIC) and FCG Swedish Development AB (FCS Sweden).

Regular annual shadow report on most important aspects and biggest problems in implementation of public procurement, as well as key recommendations for improvement.