Индекс на рационалност 9

Деветтиот индекс на рационалност е изработен за следниве пет видови услуги и производи:

• одржување на лифтови;
• печатење на образец за сметки;
• РТГ филмови за рентген снимки;
• кравјо сирење и
• ГПС уреди.

Во изработката на индексот на рационалност за овие производи и услуги беа вклучени институции на национално и на локално ниво кои имале ваков вид набавка доминантно во првата половина од 2013 година.

Во изработката на индексот на рационалност иницијално беа вклучени 53 институции на национално и на локално ниво. Но, поради објективни или субјективни причини, наведени детално во анализата, на крајот индексот е изработен врз основа на податоци за цени на производите и услугите на 39 институции.

Индекс на рационалност 8

Осмиот индекс на рационалност е изработен за следниве пет видови производи, односно услуги:

• работна облека;
• работни чевли;
• урбана опрема – клупи;
• тонери и
• дезинфекција, дезинсекција и дератизација.

Во изработката на индексот на рационалност за овие производи и услуги беа вклучени институции на национално и на локално ниво кои во текот на 2012 година и во првите два месеци од 2013 година имале ваков вид набавка.

Индекс на рационалност 7

Седмиот индекс на рационалност е изработен за следниве пет видови производи, односно услуги:

• одржување на хигиена;
• дефибрилатори;
• јунешко месо без коски;
• ПВЦ-прозорци и
• работни обувки - кломпи.

Во изработката на индексoт на рационалност за овие производи и услуги беа вклучени 52 институции на национално и локално ниво кои во текот на првите oсум месеци од 2012 година имале ваков вид набавка. Проширување на опсегот на прибирање податоци и за 2011 година беше направен само кај набавката на ПВЦ-прозорци.

Индекс на рационалност 6

Шестиот индекс на рационалност е изработен за група од пет производи кои институциите на национално и на локално ниво ги купувале во текот на 2012 година и тоа:

• хартија за печатење и фотокопирање;
• индустриска сол;
• масло за горење - екстра лесно ЕЛ-1;
• клима уред и
• завој калико.

Станува збор за производи кои беа вклучени и во претходните индекси и тоа за набавки спроведени во текот на 2010 година и/или првата половина од 2011 година, а во кои беа констатирани големи разлики во цените. Оттука целта на изработка на шестиот индекс на рационалност е да се направи проценка за евентуалните промени кои настанале во изминатиот период и влијанието кое можело да го има воведувањето на овој инструмент како начин за подигање на свеста на договорните органи за постоењето на големи разлики во цените и за потребата од преземање на мерки за поголема рационалност во трошењето на јавните пари.