Ова е трет извештај на Центарот за граѓански комуникации за итните јавни набавки поврзани со заштита од новиот корона вирус, заедно со базите на податоци на сите склучени договори и одлуките за избор на најповолна понуда.

Главните наоди за овој мониторинг период вклучуваат:

- Вредноста на договорите за итните јавни набавки поврзани со заштита од коронавирусот надмина 3,2 милиони евра и досега се склучени 142 договори.

- Дури 71 % од вредноста на склучените договори отпаѓа само на пет фирми.

- Во отсуство на упатство или стандардни обрасци за набавка, продолжуваат значајните разлики во цените. Во овој период, најголеми разлики се забележуваат кај скафандерите и ракавиците. Скафандерите се купувале по цени од 262 до 1.156 денари, а ракавиците од 2,83 до 9,32 денари за парче.

- За повеќе од половина од склучените договори (59 %), институциите ја прекршиле законската обврска да ги објават договорите во рок од десет дена од потпишувањето.

- Во секој втор склучен договор за итните јавни набавки поврзани со коронавирусот се преговарало само со еден понудувач.

- Сѐ уште нема информации за исходот од владините огласи за интервентни набавки на маски и ракавици.

За поцелосен увид на јавноста во набавките поврзани со КОВИД-19, брифовите се проследени и со објавување преглед на договорите и одлуките за избор во отворен формат на веб-платформата на Центарот за граѓански комуникации, www.opendata.mk.

---------------------------------------------------------

Линкови до првиот извештај објавен на 06.04.2020 година: Бриф број 1 и до базата на податоци на 06.04.2020 година: База на договори и одлуки за избор до 06.06.2020

Линкови до вториот извештај објавен на 22.04.2020 година: Бриф број 2 и до базата на податоци на 22.04.2020 година: База на договори и одлуки за избор до 20.04.2020 година.

Ова е втор бриф на Центарот за граѓански комуникации за итните јавни набавки поврзани со заштита од новиот корона вирус, заедно со базите на податоци на сите склучени договори и одлуките за избор на најповолна понуда.

Истовремено со избивањето и раширувањето на кризата со коронавирусот, се наметна и потребата од итни набавки на стоки, услуги и работи за заштита и превенција на ширењето на заразата од овој вирус. Поради ова, јавните набавки на овие средства, наместо по редовните, се спроведуваат по скратени и забрзани процедури, имајќи ја предвид итноста во обезбедување на потребните средства за заштита и лекување. Брзањето и фокусот врз другите работи, како здравјето и животите на луѓето, ги зголемуваат и ризиците од случајни и намерни грешки и злоупотреби и на двете страни – и кај тие што набавуваат, и кај тие што продаваат.

Поради ова, сè побројни се повиците од домашните и од меѓународните институции за зголемена транспарентност, отчетност и одговорност на властите при итните набавки поврзани со коронавирусот, како и за зголемен мониторинг и контрола од страна на државните органи и граѓанскиот сектор. Ова особено се однесува на земјите како нашата, која има и онака ограничени ресурси и е важно секој денар јавни пари да биде потрошен целосно наменски, целисходно и рационално.

Оттука, Центарот за граѓански комуникации, којшто повеќе од една деценија ги следи јавните набавки во земјава, започна со мониторинг и на итните набавки поврзани со коронавирусот за навремено да детектира одредени слабости во процесот и да даде придонес кон нивно надминување, а со цел заштита на јавните пари и рационално искористување на ограничените ресурси во земјава.

Ова е втор бриф од планираната серија извештаи кои се објавуваат периодично. Првиот бриф беше објавен на 6 април 2020 година. За поцелосен увид на јавноста во набавките поврзани со КОВИД-19, брифовите се проследени и со објавување преглед на договорите и одлуките за избор во отворен формат на веб-платформата на Центарот за граѓански комуникации, www.opendata.mk

Линкови до првиот бриф објавен на 06.04.2020 година: Бриф број 1 и до базата на податоци на 06.04.2020 година: База на договори и одлуки за избор до 06.06.2020

Овој бриф се однесува на итните јавни набавки поврзани со заштита од новиот корона вирус, заедно со базите на податоци на склучените договори и на одлуките за избор на најповолна понуда.

Состојбата со новиот корона вирус Covid-19 и прогласената вонредна состојба во земјава наметнуваат потреба од итни набавки на стоки, услуги и работи поврзани со заштита и превенција на ширењето на заразата од овој вирус. Овие набавки, во согласност со Законот за јавни набавки, се спроведуваат со директно преговарање со фирмите, односно преку постапка со преговарање без објавување оглас, за што на институциите не им е потребно ни претходно мислење од Бирото за јавни набавки.

Центарот за граѓански комуникации ги следи итните набавки поврзани со новиот коронавирус за навремено да детектира одредени слабости во процесот и да даде придонес кон нивно надминување, а со цел рационално искористување на ограничените јавни ресурси во земјава.

Овој бриф е прв од планираната серија извештаи кои ќе се објавуваат периодично.

Брифот и базите на податоци во отворен формат можете да ги најдете на следниот линк: http://www.opendata.mk/Home/TekstualniDetails/92?Category=2

Given the novel coronavirus Covid-19 outbreak and the declared state of emergency in the country, there is a need for a series of unplanned public procurement of goods, services and works related to the protection and prevention of the spread of the novel coronavirus Covid-19 infection. Given the seriousness of the situation and the state of emergency declared in the country, and pursuant to Article 55 paragraph (1) d of the Law on Public Procurement (Official Gazette of RM 24/19), these procurement are carried out under negotiated procedure without publication of a contract notice. Also, although procurement carried out under the negotiated procedure without publication of a contract notice need to obtain prior opinion from the Public Procurement Bureau, these procurement can be carried out directly, without previously obtaining such opinion from the Public Procurement Bureau.
Having in mind that the non-negotiated negotiation procedure is the least transparent one, and in that context emergency procurement carry an even greater risk of corruption due to the speed with which they are implemented and the public's focus on other issues, there is a need for increased monitoring of the implementation of these procurements.
Therefore, the Center for Civil Communications conducts an extraordinary "monitoring and research of coronavirus-related emergency procurement" as it is particularly important in such circumstances that every penny of public money is purposeful and rationally linked, and in a hurry and crisis increases the risk of possible errors and abuses.