Предлозите за намалување на корупцијата во јавните набавки и за унапредување на начинот на нивното спроведување се поделени во четири сегменти, и тоа предлози за зајакнување на интегритетот во јавните набавки, предлози за подобрување на процесот на спроведување на јавните набавки, предлози за зголемување на транспарентноста на јавните набавки и предлози во насока на идентификување и санкционирање на корупцијата во јавните набавки.
Во насока на зголемување на интегритетот на јавните набавки дадени се следните предлози:
Јавните претпријатија и акционерските друштва основани од Владата и од единиците на локалната самоуправа (ЕЛС) да изготвуваат планови за интегритет со идентификување, анализа и приоретизирање на ризиците од корупција во јавните набавки, со примена на индикатори за мерење на ризиците и со дефинирање мерки за намалување на ризиците од корупција.
Изработка и примена на јасни интерни политики (процедури, правила или упатства) за начинот на постапување на вработените службеници и надворешните соработници во сите фази од процесот на јавните набавки, во коишто ќе биде вклучен и начинот на постапување во случаи на пријавување на корупција во јавните набавки.
Повеќе за истражувањето можете да прочитате на македонски, албански и англиски јазик.
За повеќе информации, ве молиме, контактирајте го Центарот за граѓански комуникации на (02) 3213-513 или на center@ccc.org.mk.
Предлозите се изготвени во рамките на проектот „Кон отчетни јавни претпријатија“ со финансиска помош од Амбасадата на Kралството Холандија во Скопје.